Deputeti shqiptar në Kuvendin e Serbisë, Shaip Kamberi ka pritur në takim depuetet e  Lëvizjes Vetëvendosje, Fitore Pacolli dhe Arbëreshë Kryeziu Hyseni.

Me anë të një postimi në Facebook, ai tha se me deputetet kanë biseduar për rëndësinë e bashkëpunimit institucional në mes Luginës së Preshevës dhe institucioneve të Republikës së Kosovës, shkruan Arbresh.info.

“Mirëprita në Bujanoc, deputetet e Kuvendit të Republikës së Kosovës. Me deputetën Fitore Pacolli dhe deputeten Arbreshë Kryeziu Hyseni bashkëbiseduam për rëndësinë e bashkëpunimit institucional në mes Luginës së Preshevës dhe institucioneve të Republikës së Kosovës.”, tha ai.

“Bujanoci e Presheva do duhej të mbeten adresë e përhershme e vizitave për përfaqësuesit e Kosovës dhe në të njejtën kohë do duhet të vazhdojnë të mbeten pjesë e agjendës qeveritare për ndihmë e përkrahje konkrete.”, shtoi Kamberi./Arbresh.info/